Google ADS

Tanja Fajon mesazh Francës: “Është një turp i madh, Macron hap sytë”!

11:20 | 17 Tetor 2019
Arbresh.info

Raportuesja për Kosovën në Parlamentin Europian, Tanja Fajon, ka reaguar ashpër ndaj vendimit të Francës për të bllokuar çeljen e negociatave për Shqipërinë dhe Maqedoninë e Veriut.

“Është një turp i madh”, ka shkruar Fajon në Facebook, “Emmanuel Macron, zgjohu! Është koha që BE-ja të tregojë maturim politik dhe përgjegjshmëri! Liderët e këtyre vendeve i kanë bërë “detyrat” e tyre! Tani është koha që Këshilli i Bashkimit Europian të bëjë pjesën e tij dhe të pranojë më në fund çeljen e negociatave të anëtarësimit me Maqedoninë e Veriut dhe Shqipërinë”, ishte mesazhi i Fajon.

Tanja Fajon arriti ta siguronte në muajin maj një mandat tjetër 5-vjeçar në Parlamentin Europian. Ajo kandidonte në Slloveni për Partinë Social Demokrate. Në këtë mënyrë, Kosova e ruajti raportuesen në PE, ndërsa për Shqipërinë do të caktohet një tjetër pasi Knut Flenckestein nuk arriti të zgjidhej sërish eurodeputet./tch

Shpërndaje në rrjete sociale

Lajmet më të lexuara

Të ngjashme

Foto lajm