Drejtoresha e Drejtorisë së Kulturës, Rinisë dhe Sportit, Saranda Bogujevci e shoqëruar nga asambleistja Kimete Zeqa ka vizituar sot shoqatën “Klubi Dëshira”, që ofron përkujdesje ditore për personat me ngecje mendore dhe intelektuale.

Bogujevci ka thënë se qëllimi i kësaj vizite është që të njihet për së afërmi me kushtet dhe nevojat që i ka kjo shoqatë. Ajo, po ashtu, ka njoftuar se Drejtoria e Kulturës, Rinisë dhe Sportit ka të planifikuara edhe subvencione për aktivitetet të ndryshme, ndërsa i inkurajoi që të bashkëpunojnë me bibliotekën e qytetit në mënyrë që të avancohen edhe më tej në shkrim dhe lexim. Një prej mundësive të tjera, sipas Bogujevcit është që në bashkëpunim me Teatrin e Qytetit dhe institucionet e tjera këtyre personave t’u ofrohet mundësia e zhvillimit të një jete normale.

Të pranishmit kanë falënderuar përfaqësuesit e Komunës së Prishtinës për vizitën, si dhe janë shprehur të gatshëm për bashkëpunim për mundësitë që i ofron Komuna e Prishtinës.
Ndërkaq, më 13 te tor, me rastin e Ditës Ndërkombëtare të Personave me Ngecje Mendore dhe Intelektuale, drejtoresha Bogujevci, grupi i grave asambleiste, dhe përfaqësues të Zyrës për Çështje Gjinore do ta vizitojnë shoqatën.