Kreu i AAK-së, njëherit edhe kandidat për kryeministër nga koalicioni AAK-PSD, Ramush Haradinaj, ka mbajtur sot konferencë për medie, dy ditë pas zgjedhjeve të gjashtë tetorit.
Rezultatin e AAK-së në këto zgjedhje Haradinaj e vlerësoi si arritje, pasi tha se i janë afruar rreth 100 mijë votave, shkruan arbresh.info
“Ne kemi 11.5% të votave. Ekziston mundësia që ne jemi afruar rreth 100 mijë votave. Është një rritje e ndjeshme e Aleancës, është rreth 35% rritje”, tha Haradinaj.
Kreu i AAK-së po ashtu theksoi se e pranojnë këtë rezultat dhe se nuk kërkojnë rinumrim të votave.
“Aleanca dhe koalicioni ynë e pranon rezultatin dhe nuk kërkomë rinumërim, nëse ndonjë deputet ka vërejtje ka të drejtë për ankesë. Është e padrejtë me e dëmtua një proces kaq të mirë zgjedhorë. Qytetari nuk na dha të drejtën për me formua qeverinë. I urojmë partitë e para për rezultatin” tha Haradinaj.
Ndërsa sa i përket numrit të deputetëve të AAK-së që do zënë vend në ulëset e Kuvendi të Kosovës, Haradinaj tha se kanë marrë informatë se janë diku rreth 14 ose 15 deputetë.
Po ashtu, ai pati edhe fjalë të mira për bashkëpunimin me PSD-në.
“Po marrim informata rrethanore, jemi diku mes 14 ose 15 deputet në parlamentin e Kosovës. Me PSD ka qenë një koalicion i sinqertë, jam për me bashkëpunua edhe në vazhdim, por nuk kemi bërë ndonjë plan për në të ardhmen”, tha Haradinaj.
Koalicioni AAK-PSD, me kandidat për kryeministër Ramush Haradinaj doli nga zgjedhjet e gjashtë tetorit me 11.54% apo 90839 vota./arbresh.info/
https://www.facebook.com/arbresh.info/videos/403425787223293/?notif_id=1570521339702039¬if_t=live_video_explicit
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite