Marrëveshja e Prespës dhe rëndësia e zbatimit të saj konsistent me vullnet të mirë, si dhe integrimi i vendeve të Ballkanit Perëndimor në institucionet evropiane dhe transatlantike janë pjesë e kumtesës së përbashkët pas raundit të dytë të dialogut strategjik mes SHBA-së dhe Greqisë.
Dialogu strategjik, siç kumtojnë, e konfirmon dëshirën e ndërsjellë të Greqisë dhe SHBA-së për thellimin e bashkëpunimit në disa sfera siç janë bashkëpunimi rajonal, mbrojtja dhe siguria, lufta me terrorizmin, tregtia dhe investimet, energjetika dhe lidhjet mes njerëzve, përcjell Telegrafi Maqedoni nga AIM.
Në pjesën e dedikuar bashkëpunimit rajonal, të dyja palët i kanë ndarë qëndrimet për Mesdheun Lindor, Detin e Zi dhe Ballkanin Perëndimor, duke theksuar vizionin e tyre të përbashkët për rajon të qetë dhe të prosperuar, ndërsa e përmendin edhe Marrëveshjen e Prespës.
“E përsëritën vendosmërinë e tyre për mbështetje të integrimit të vendeve të Ballkanit Perëndimor në institucionet evropiane dhe transatlantike, sipas zgjedhjes së popujve të tyre. Ata e panë se marrëdhëniet e mira fqinjësore dhe zgjidhja e qetë e kontesteve janë çelës për arritjen e këtij qëllimi. Sipas kësaj, të dyja qeveritë e konfirmojnë qëllimin e tyre që ta mbështesin sundimin e së drejtës dhe institucionet demokratike në rajon. Ata gjithashtu u angazhuan që ta promovojnë kulturën e kompromisit dhe pajtimit. I theksuan përpjekjet e Greqisë për atë qëllim, duke potencuar hyrjen në fuqi të Marrëveshjes së Prespës, ndërsa e nënvizuan rëndësinë e zbatimit të saj konsistent me vullnet të mirë”, shkruan në kumtesën e përbashkët në pjesën që ka të bëjë me bashkëpunimin rajonal.
Raundi i dytë i dialogut strategjik mes Greqisë dhe SHBA-së u mbajt dje në Athinë, në praninë e përfaqësuesve të lartë nga të dyja vendet.
Një shpjegim i thjeshtë përse zemra nuk preket nga kanceri
Zbardhet lista e Anglisë për ndeshjet e tetorit
Kurti për AP: Fitorja e Rusisë në Ukrainë do të rrezikonte p...
Të paktën 14 të vrarë në një sulm izraelit në Bregun Perëndi...
Kurti në Poloni: E ardhmja e vendit tim është në BE dhe NATO
Pako me duhan pa banderola gjenden në Viti, sekuestrohen nga...