Agjenti i Christian Eriksen raportohet se do të niset për në Spanjë në mënyrë për të rihapur bisedimet me Real Madridin për të realizuar transferimin e mundshëm të tij në janar.

Reprezentuesi danez, i cili nuk ka pranuar nënshkrimin e një kontrate të re te Tottenham Hotspuri, bëhet agjent i lirë në fund të këtij sezoni, transmeton portali arbresh.info.

Raportet sugjeruan gjatë verës se Eriksen, i cili kishte ngjallur interesim edhe te Manchester United, ishte vendosur që destinacioni i tij i ardhshëm të jetë Madridi.

Bazuar në Daily Star, reprezentuesit e mesfushorit kanë bërë një tjetër kontakt me ‘Los Blancos’ për të diskutuar mundësinë për transferim në janar.

Drejtori i “Spursve”, Daniel Levy dëshiron t’i shmanget largimit të tij falas sezonin e ardhshëm ndërkohë që duhet të bëjë zgjedhje edhe për Toby Alderweireld, kontrata e të cilit skadon vitin e ardhshëm gjithashtu.

Eriksen është konsideruar si pjesë periferike e skuadrës së Mauricio Pochettinos këtë sezon për shkak se ka startuar vetëm n ë katër ndeshje në Premierë Ligë./arbresh.info/