Willock synon të shënojë edhe më shumë gola te Arsenali

10:23 | 4 Tetor 2019
Arbresh Info

Talenti i ri te Arsenali, Joe Willock vazhdon të gjej portën te skuadra e tij.

Mesfushori është njëri nga lojtarët më impresiv te skuadra e “Topçinjve” në sezonin e ri 2019/20, transmeton portali arbresh.info.

Ai arriti të shënojë edhe në ndeshjen e mbrëmjes së kaluar kundër Standard Lieges në Evropa Ligë duke arritur në tre numrin e golave në përgjithësi këtë edicion.

Pas ndeshjes, lojtari ka folur për faqen zyrtare duke thënë: “Ky është njëri nga shënjestrat e mia, të jap sa më shumë gola në ndeshje. Pra, jam i lumtur që e kam bërë këtë por gjithashtu i lumtur që kam fituar dhe me portën e pastër”

“Jam shumë i ngazëllyer sepse ne e dimë se kemi një trajner që dëshiron të luaj me lojtarët e rinj, ai dëshiron të na jap shansin”

“Pra, ne duhet të shfrytëzojmë çdo mundësi që vjen dhe të përpiqemi për të punuar shumë dhe për të bërë dallimin”, shtoi Willock./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm