Aleanca Kosova e Re, ka mbajtur sot tubim me Forumin e Gruas, ku pati shumë të pranishëm.

Koordinatorja e Forumit të Gruas të AKR-së, Arta Haxhaj, tha se si subjekt politik gjithmonë kanë pasur për qëllim fuqizimin e gruas në politikë duke emruar ndër vite femrat në pozita të ndryshme qeverisëse, shkruan arbresh.info

“Si femra në politikë jemi njohur me të gjithë sfidat, vështirësitë dhe problemet. Në AKR, kemi qenë pro fuqizimit të femrës gjë që është dëshmuar ndër vite, me pozita në qeverisje si kryeministre, ministre, këshilltareve, drejtoreshave . Pjesëmarrja jonë në vendime, respektimi i kuotës gjinore, do të arrihen kur ju do të jeni zëri ynë në kuvend”, tha Haxhaj.

Ndërsa kandidati për deputet nga AKR, Islam Pacolli, tha se femrat do te jenë gjithmonë shtyllë kryesore edhe në politikë.

“Ne si AKR gjithmonë e respektojmë gjininë femërore . Sigurisht që edhe lufta nuk fitohet pa gjininë femërore. Ju jeni më të përpikta, prandaj sot që jeni këtu ne kërkojmë mbështetjen e juaj. Kërkojmë mbështetjen tuaj sigurisht që do bëjmë punën edhe më mirë, do të reagojmë rezultatin më të mirë të mundshëm”, tha Pacolli.

Kurse, Ministri në detyrë i Zhvillimit Ekonomik, Valdrin Lluka, theksoi se grave duhet t’u jepet hapësirë edhe në ndërmarrjet publike.

Po ashtu Lluka tha se është me rëndësi që gratë e AKR-së, të jenë pjesë e Kuvendit të Kosovës.

“Në ligjin për ndërmarrje publike, duhet tu japim hapësirë grave në bordet e ndërmarrjeve publike, 40% e grave duhet të jenë pjesë. Gratë kanë nevojë për fuqizim, I kemi shtatë gra këtu që ti votojmë, edhe është me rëndësi që gratë e AKR-së te jenë pjesë ë Kuvendit të Kosovës”, tha Lluka.

Po ashtu, AKR-ja gjatë këtij aktiviteti ka prezantuar kandidatët për deputetë në zgjedhjet e 6 tetorit. /arbresh.info/

https://www.facebook.com/arbresh.info/videos/1327611717398840/?notif_id=1569948890884503&notif_t=live_video_explicit