Të paktën pesë njerëz janë vrarë dhe qindra të tjerë janë plagosur që nga dita e martë, kur edhe filluan protestat anti-qeveritare në Irak.
Mijëra qytetarë kanë protestuar në Bagdad, Nasiriya dhe në qytetet tjera, transmeton portali arbresh.info
Protestat kanë filluar si pasojë e pakënaqësisë ndaj mungesës së vende të punës, shërbimeve të dobëta dhe korrupsionit.
Platformat e mediave sociale dhe aksesi në internet janë bllokuar në kryeqytet dhe pjesë të tjera të vendit.
Duke fajësuar “rebelët” pa emër për trazirat, qeveria u zotua të adresojë shqetësimet e protestuesve, ndërkaq Kombët e Bashkuara u kanë bërë thirrje autoriteteve që të ndalojnë ushtrimin e dhunës.
Protestat, të cilat duket se nuk kanë ndonjë udhëheqje të organizuar, janë më të mëdhatë që kur Kryeministri Adel Abdul Mahdi mori detyrën një vit më parë.
Protestuesit gjithashtu u përpoqën të arrinin në sheshin qendror Tahrir, të cilin policia e kishte mbyllur më parë së bashku me një urë aty pranë që çon në Zonën e Gjelbër, ku ndodhen ndërtesat qeveritare dhe ambasadat e huaja./arbresh.info/
Prokuroria e Durrësit sekuestroi 102 konteinerët e mbushur m...
Funksionalizohet shërbimi “Deklarimi i Adresës Zyrtare...
Policia gjobit dy shoferë në dy raste të ndara në Gjilan
Vrasja e rëndë në Prishtinë, Prokuroria: Ndalohet një person...
Sami Lushtaku paditë Lëvizjen Vetëvendosje për shpifje dhe d...
Pacolli: U shokova kur e vizitova shtëpinë e një veterani të...