Google ADS

Krimbi shkatërron lakrat, pesticidet nuk bëjnë më efekt në Divjakë

11:12 | 1 Tetor 2019
Arbresh.info

Sipërfaqet e mbjella më lakër dhe brokoli në fshatrat e Divjakës janë pushtuar nga krimbi i murrmë.

Dëmet janë të mëdha në Çermë dhe Sulzotaj. Behar Gjoshi nga Sulzotaj e kishte bërë gati prodhimin për treg, por krimbi po i bren gjithçka. Ngastrat e tij janë spërkatur disa herë, por pa efekt. Fermerët thonë se krimbi depërton në bime duke e shkatërruar menjëherë.

Latif Kala e ka mbjellë lakrën pak më vone por as atij nuk i ka shpëtuar pa u prekur nga krimbi duke ia dëmtuar pa u rritur mirë.

Edhe pse në shumicën e rasteve fermerët e kanë dyfishuar dozën e spërkatjes, deri tani nuk ka asnjë lloj rezultati duke bërë që sipërfaqja e infektuar te shtohet dita-ditës. Fermerët hedhin dyshime te cilësia e helmeve. Por sipas agronomit Vlash Biti, situata është alarmante

Agronomi i zonës kërkon ndërhyrjen e ministrisë së Bujqësisë./TCH

Shpërndaje në rrjete sociale

Lajmet më të lexuara

Të ngjashme

Foto lajm