Në ceremoninë mortore të ish-presidentit Jacques Chirac ka marrë pjesë edhe ish-presidenti amerikan Bill Clinton dhe presidenti rus, Vladimir Putin.
Trupi i të ndjerit u përcoll nga këngët e korit në kishën Saint-Sulpice në Paris, transmeton portali arbresh.info
Chirac vdiq javën e kaluar në moshën 86 vjeç. Ai shërbeu dy mandate si president dhe dy herë si kryeministër.
Franca e shpalli të hënën ditë zie kombëtare.
Në mesin e liderëve është parë edhe Nicolas Sarkozy dhe Francois Hollande. Gjithashtu në ceremoni morri pjesë edhe presidenti aktual Emmanuel Macron, i cili javën e kaluar e quajti Chirac ‘francez të madh’.
Megjithatë, aty nuk është parë Marine Le Pen, pasi familja e presidentit të ndjerë shprehu hapur se ajo nuk ishte e mirëpritur.
Gjatë mandatit të tij të parë presidencial (1995-2002), Jacques Chirac vendosi qe Franca të përdorte monedhën e vetme europiane, ndërsa në fillim të mandatit të dytë ( 2002-2007), ai ishte zëri i parë që kundërshtoi pushtimin amerikan në Irak.
Ish-presidenti u përcoll për në banesën e fundit edhe nga mijëra qytetarë, të cilët pritën me orë të tëra në një kolonë 1 km, pavarësisht motit të keq me shi./arbresh.info/
Berisha pas lirimit të Gogajt: U konfirmua se vrasja ndodhi ...
Maqedonci: Kosova ka mbështetjen e të gjithë partnerëve për ...
Tashmë e konfirmuar, Serie A merr vendimin për shtyerjen e n...
Maqedonci: Ushtarët asnjë ditë nuk kanë mbetur pa ushqim, as...
Arrestohen dy persona për zjarrëvënie të veturës në Ferizaj
Lirohet nga burgu Shaban Gogaj, i dënuar për vrasjen e Agoni...