Policia e Hong Kongut ka hedhur gaz lotsjellës për t’i shpërndarë protestuesit të dielën. Në anën tjetër, qeveria njoftoi se kryetarja e qytetit, Carrie lam, do të largohet nga ky vend më 1 tetor, kur shënohet përvjetori i pavarësisë së Kinës.
Përleshjet mes policisë dhe protestuesve në distriktin tregtar erdhën pas një nate të dhunshme dhe protestave të vazhdueshme që filluan muaj më parë në qytetin e kontrolluar nga Kina.
Disa dyqane u mbyllën para fillimit të protestës, ndërsa shërbimi i metros gjithashtu njoftoi se do t’i pakësojë linjat e trenave.
Protestuesit brohorisnin thirrje kundër Kinës dhe bënë thirrje për plotësimin e pesë kërkesave të tyre dhe asnjë më pak, përfshirë tërheqjen e të gjitha akuzave për kolegët e tyre të arrestuar.
Ata u përballen me rreth 200 përkrahës të Kinës, të cilët e kënduan himnin kinez dhe brohorisnin “Unë e dua Kinën”.
Njëra nga përkrahëset tha: “Nëse qeveria merr masa të dhunshme, nuk do të ankohem. Kemi duruar mjaft. Mendoj se kam probleme emocionale për shkak të protestave, nuk ndihem e sigurt të dal jashtë”, shkruan “Reuters”, transmeton Gazeta Express.
Konjufca ngacmon PDK-në dhe LDK-në, reagojnë Tahiri dhe Gash...
Zyrtare: Man United e shkarkon nga posti i trajnerit holande...
Shefi i Gardës Revolucionare të Iranit paralajmëron për “pas...
Nesër mbahet panairi i universiteteve franceze në Prishtinë ...
Konjufca: BE nuk mund t’ia marrë Kosovës kompetencat për Aso...
Mevlani e lëshon ‘perlën’: Njeriu kur dashuron nuk tradhton