Në Hong Kong ajo që nisi si një protestë paqësore e mijëra vetëve përfundoi në përleshje të shtunën në mbrëmje, ndërsa policia përdori ujë e gaz lotësjellës për të shpërndarë protestuesit që sulmuan molotovë e gurë.
Turma të mëdha njerëzish ishin mbledhur për të shënuar përvjetorin e pestë të asaj që njihet si “Lëvizja e Ombrellave”, një lëvizje që dështoi, por që hodhi bazat për protestat masive që kanë përfshirë aktualisht qendrën financiare.
Të shtunën dhjetëra mijëra vetë u dyndën në një park jashtë parlamentit të qytetit, që ishte vendngjarja e protestave të vitit 2014.
Por një turmë e vogël aktivistësh të një linje të ashpër me maska në fytyrë hodhën gurë e molotov ndaj zyrave të qeverisë qendrore.
Policia u përgjigj duke hedhur në drejtim të tyre ujë, e gaz lotsjellës, gjë që çoi në shpërndarjen e shpejtë të turmës së rebeluar.
Skenat e sotme (e shtunë) të kujtonin atë gjatë Lëvizjes Ombrella, kur turma shpërtheu pasi policia hodhi gaz lotsjellës në një tubim të drejtuar nga studentët.
Si protestat e vitit 2014 dhe ato aktuale janë nxitur nga frika se Pekini po ngushton gjithnjë e më shumë liritë e qytetit gjysmë autonom kinez dhe pamundësisë për t’i zgjedhur vetë drejtuesit e qytetit./ VOA
Konjufca ngacmon PDK-në dhe LDK-në, reagojnë Tahiri dhe Gash...
Zyrtare: Man United e shkarkon nga posti i trajnerit holande...
Shefi i Gardës Revolucionare të Iranit paralajmëron për “pas...
Nesër mbahet panairi i universiteteve franceze në Prishtinë ...
Konjufca: BE nuk mund t’ia marrë Kosovës kompetencat për Aso...
Mevlani e lëshon ‘perlën’: Njeriu kur dashuron nuk tradhton