Buzët tona kanë më se një milion nerva dhe janë shumë më të ndjeshme sesa majat e gishtave. Ato kanë nevojë për kujdes të veçantë

Ndonjëherë ato mund të sinjalizojnë se keni probleme reale me shëndetin dhe duhet t’i kushtoni vëmendje këtyre kushteve.

Nuk janë vetëm sytë pasqyra e shëndetit. Buzët mund të tregojnë këto 6 probleme:

Plasaritje në cepat e buzëve

Kur pështyma bllokohet në cepat e gojës, ajo than lëkurën dhe krijon plasaritje. Lagështira në cepat e buzëve, krijon kushtet për infeksione.

Infeksioni është shkaku më i zakonshëm i këtyre çarjeve. Nëse ndodh shumë shpesh, duhet të vizitoheni patjetër tek një mjek.

Buzë të thata dhe të çara

Tharja e buzëve tuaja mund të tregojë mungesë lagështie në pjesën tjetër të trupit. Mund të ndodhë edhe për shkak të temperaturës apo stresit. Në këtë rast, pini më shumë ujë dhe përdorni kremra hidratues.

Gjithashtu, arsyeja e buzëve të çara mund të jetë një alergji. Ju lutem, kushtojini vëmendje nëse keni disa simptoma të tjera si kruajtje.

Gungë në buzë

Gungat e buzëve mund të jenë të dhimbshme ose të pakëndshme, por shumicën e kohës ato mund të jetë padëmshme ose mund të zhduken pa ndonjë trajtim. Mund të jetë një dëmtim, për shembull, pas një injeksioni të acidit hialuronik.

Reagimet ndaj ushqimit gjithashtu mund të shkaktojnë këto kushte. Shumë shpesh ndodh që shkaku është një infeksion viral, si herpes dhe ka nevojë për trajtim të duhur mjekësor.

Rrudhat në buzën e sipërme

Nëse keni filluar të vini re shumë rrudha në buzën e sipërme, mund të ketë edhe arsye fizike dhe emocionale. Kushtojini vëmendje zakoneve tuaja të këqija.

Buzë të fryra

Ënjtja mund të jetë një shenjë e një reaksioni alergjik. Nëse keni vënë re se buzët tuaja bëhen më të mëdha sa herë që përdorni disa produkte kozmetike, shpëtoni prej tyre.

Pikat e zeza në buzë

Mund të ketë arsye të ndryshme për njollat e zeza në buzë dhe nuk duhet t’i injoroni ato. Mundësia më e mirë është t’i diagnostikoni ato duke shkuar tek një mjek.

Hiperpigmentimi është një gjendje e zakonshme që mund të shkaktojë njolla kafe. Ju mund ta vini re atë jo vetëm në buzët tuaja, por edhe në faqe, hundë dhe ballë.

Pikat e diellit gjithashtu mund të jenë një arsye. Nëse keni njolla të tilla në buzë duhet patjetër të konsultoheni me një mjek. /Telegrafi/