Google ADS

Zaev tregon se kur duhet të mbahen zgjedhjet e parakohshme

10:04 | 28 Shtator 2019
Arbresh.info

Kryeministri Zoran Zaev as që do të dëgjojë kërkesën e opozitës që vendi sa më shpejt të shkojë në zgjedhje të parakohshme parlamentare.

Ai në një intervistë për Zërin e Amerikës – servisi në maqedonisht theksoi se nuk dëshiron tani zgjedhje të tilla dhe se ato duhet të mbahen më së voni në fund të tetorit 2020, përcjellë INA.

“Argumentet tona janë se zgjedhjet e parakohshme duhet të mbahen në fund të tetorit të 2020. Opozita thotë të parakohshme”, thotë Zaev, që sipas tij, partia e tij do të fitojë zgjedhjet edhe tani nëse mbahen zgjedhje, por edhe nëse mbahen në terminin e rregullt. Ai theksoi se prioritet për vendin është rrumbullakësimi i vendimit të BE-së për marrjen e datës për fillimin e bisedimeve si dhe vendimin për anëtarësim të plotë në NATO. “Fillimisht ne të bëjmë punët tona, siç është më mire për qytetarët, ndërsa më pas të shkojmë në zgjedhje”, theksoi Zaev, duke i bërë thirrje opozitës për dialog dhe uljen e tyre në tryezën e bisedimeve.

Shpërndaje në rrjete sociale

Lajmet më të lexuara

Të ngjashme

Foto lajm