Shtyhet për shkaqe sigurie ndeshje Kosovë – Rusi

19:27 | 27 Shtator 2019
Arbresh Info

Ndeshja e paraparë të zhvillohet mes Kosovës dhe Rusisë është shtyrë nga UEFA.

Bazuar në njoftimin nga faqja zyrtare e Federatës së Futbollit të Rusisë, UEFA ka marrë këtë vendim për shkaqe sigurie, transmeton portali arbresh.info.

“UEFA ka njoftuar RFU-në për shtyrjen e ndeshjes kualifikuese CH2021 midis ekipeve kombëtare të femrave të Kosovës dhe Rusisë, të planifikuar për 4 tetor në Prishtinë. Ky vendim u morë për arsye sigurie”, thuhet në komunikatën e publikuar nga RFU.

“Data dhe vendi i ndeshjes do të përcaktohet më vonë, pas përfundimit të kontrolleve shtesë”

Takimi mes vashave të Kosovës dhe atyre të Rusisë ishte paraparë të zhvillohet më datën 4 tetor të këtij viti./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm