Duka i Sussex-it ka përshkuar një fushë të pastruar pjesërisht nga minat në Angola për të nxjerrë në pah kërcënimin e paraqitur nga minat e tokës, 22 vjet pasi nëna e tij Diana, Princesha e Uellsit, bëri të njëjtën gjë.

Princi Harry kishte veshur rrobat mbrojtëse ndërsa kalonte nëpër bazën e ish-artilerisë afër qytetit jug-lindor të Dirico, përcjell arbresh.info

Diana tërhoqi vëmendjen globale në vitin 1997 kur ajo përshkoi në këmbë një fushë të minuar.

Forcat antiqeveritare minuan zonën në vitin 2000 kur u tërhoqën nga baza.Princit Harry iu tha që të mos largohej nga korsitë e pastruara, të mos prekte asgjë dhe të mos vraponte.Në një fjalim, Duka tha se organizata bamirëse ‘Halo Trust’ po ndihmonte komunitetin për të “gjetur paqen”.”Minat e tokës janë një plagë e papjekur e luftës. Duke pastruar minat e tokës ne mund t’i ndihmojmë këtij komuniteti të gjejë paqe, dhe me paqen vjen mundësia,” tha ai.Princi bëri thirrje për një përpjekje ndërkombëtare për të pastruar minat e tokës nga pellgu ujëmbledhës Okavango në malësitë e Angolan, ku armët mbeten pas përfundimit të luftës civile të vendit, shkruan BBC./arbresh.info/