Afganistan, sulm me bombë ndaj një shtabi zgjedhor

09:37 | 25 Shtator 2019
Arbresh Info

Në provincën jugore Kandahar është sulmuar shtabi zgjedhor i presidentit aktual Ashraf Ghani, i cili do të jetë kandidat edhe në zgjedhjet presidenciale të 28 shtatorit

Të paktën tre civilë kanë humbur jetën dhe shtatë të tjerë janë plagosur si pasojë e një sulmi me bombë ndaj një shtabi zgjedhor në provincën Kandahar në jug të Afganistanit/

Jamal Nasser Barikzey, zëdhënës i policisë në Kandahar, tha për AA se bëhet fjalë për një bombë të vendosur në hyrje të shtabit zgjedhor të presidentit aktual dhe kandidatit për president Ashraf Ghani.

Barikzey tha se në mesin e tre të vdekurve gjendet edhe një fëmijë dhe se shtatë persona kanë ngelur të plagosur.

Ende asnjë organizatë nuk e ka marrë përsipër sulmin.

Ndryshe zgjedhjet presidenciale në Afganistan do të mbahen më 28 shtator./AA

Shpërndaje në rrjete sociale

Lajmet më të lexuara

Të ngjashme

Foto lajm