Google ADS

Mbetjet mortore të diktatorit Franco do të zhvarrosen

17:52 | 24 Shtator 2019
Arbresh.info

Gjykata Supreme e Spanjës ka vendosur që mbetjet mortore të diktatorit Francisco Franco duhet të zhvarrosen.

Ky verdikt mbështeti planin e qeverisë socialiste për të lëvizur mbetjet nga një mauzole shtetërore në një vend më pak kontrovers, transmeton portali arbresh.info.

Një apel nga familja e Franco kundër zhvarrosjes dhe propozimit të një vendi alternativ ishte refuzuar.

Çështja ka ndarë opinionin në Spanjë, e cila mbetet e përhumbur nga epoka e Franco. Ai fitoi luftën civile të viteve 1930 dhe vazhdoi të sundojë Spanjën deri në 1975.

Në një vendim unanim, gjykata tha se kishte vendosur të “refuzojë plotësisht ankesën e paraqitur nga familja në lidhje me zhvarrosjen e Francisco Franco”.

Në një cicërimë (në spanjisht), Kryeministri Pedro Sanchez e përshëndeti vendimin si “një fitore të madhe për demokracinë”.

Franco aktualisht shtrihet në një mauzole të madhe të quajtur Lugina e Rënies, së bashku me dhjetëra mijëra të vdekur të luftës civile./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm