Google ADS

Doktorët thanë se është gati, Valverde në dyshim: “Do të vendosim nesër nëse do të luajë Messi”

20:57 | 16 Shtator 2019
L G

Gjatë ditës, përmes faqes zyrtare të klubit, Barcelona njoftoi se Lionel Messi ka lënë prapa dëmtimin dhe është gati për ndeshjen në Champions League me Borussia Dortmundin.

Megjithatë, tani nuk dihet nëse Messi do të startojë në “Signal Iduna Park”.

Kjo për shkak të trajnerit të Barçës, Ernesto Valverde.

Në konferencë për media para ndeshjes së nesërme, ai nuk tregoi nëse 32-vjeçari do të luajë në ndeshjen e së martës, që starton nga ora 21:00.

“Messi është stërvitur mirë me grupin në stërvitjet e fundit. Do të vendosim nesër nëse do të luajë apo jo. Javën e kaluar nuk ishim të sigurt, por ka pasur një përmirësim të shkëlqyeshëm”, tha Valverde. /Gazeta Express/

Shpërndaje në rrjete sociale

Lajmet më të lexuara

Të ngjashme

Foto lajm