Prizren, u konfiskohen armët e gjuetisë e derri i vrarë

11:57 | 16 Shtator 2019
Arbresh.info

Katër persona janë arrestuar të dielën në Prizën pasi dyshohen për armëmbajtje pa leje e gjueti të kundërligjshme.

Në raportin e Policisë së Kosovës thuhet se të dyshuarve u janë konfiskuar tre armë gjuetie pa leje e një me leje por jo për bartje, shkruan arbresh.info.

“Raportohet se njësitë policore nga katër persona të dyshuar meshkuj K/Shqiptar kanë konfiskuar katër pushkë gjuetie, tri prej tyre pa leje, kurse njëra prej tyre me leje për mbajtje e jo për  bartje”, thuhet në raport.

Policia ka njoftuar gjithashtu se ka konfiskuar edhe një derr të egër të vrarë.

“Në veturën e të dyshuarve në të cilën janë gjetur armët është gjetur edhe një derr i egër i vrarë nga të dyshuarit  të cilët kishin dalë në gjueti të kundërligjshme. Me urdhër të prokurorit të dyshuari pas intervistimit janë liruar në procedurë të rregullt”, përfundon njoftimi 24 orësh i Policisë së Kosovës./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm