Google ADS

Turqia pranon mjete të reja të sistemit rus S-400

00:31 | 16 Shtator 2019
Trina Galanxhi

Turqia ka njoftuar se ka pranuar dërgesat e të gjitha komponentëve të baterisë së dytë, për sistemin e mbrojtjes ajrore S-400, që Ankaraja ka blerë nga Moska.

Ministria e Mbrojtjes së Turqisë ka postuar në Twitter fotografi të dërgesave nga Rusia.

Turqia ka blerë katër bateri të sistemit S-400 nga Rusia, pavarësisht kundërshtimeve të Shteteve të Bashkuara.

Pasi Turqia pranoi dërgesën e parë të sistemit raketor rus në muajin qershor, Uashingtoni hoqi Ankaranë nga programi për avionët e avancuar luftarakë të tipit F-35.

Uashingtoni thotë se sistemi S-400 minon avionët e saj F-35 dhe nuk është në përputhje me sistemet e mbrojtjes raketore që përdorin shtetet e NATO-s.

Rusia pret që të dërgojë të gjitha pjesët e sistemit S-400 në Turqi në muajin prill të vitit 2020.

Shpërndaje në rrjete sociale

Lajmet më të lexuara

Të ngjashme

Foto lajm