Fushë Kosovë, vetura godet një biçiklist

15:09 | 14 Shtator 2019
Arbresh.info

Një biçiklist ka marrë lëndime trupore sot në Fushë Kosovë pasi është goditur nga një veturë.

Zëdhënësja e Policisë së Kosovës për rajonin e Prishtinës, Flora Ahmeti ka thënë për arbresh.info se aksidenti ka ndodhur rreth orës 14:00.

Ajo ka shtuar gjithashtu se viktima, vozitës i biçikletës është dërguar për tretman mjekësor.

“Rreth orës 14:00 kemi pranuar informatën për një aksident trafiku në rrugën Dardania në Fushë Kosovë, ku kanë qenë të perfshira një veturë dhe një biçikletë. Si pasojë e aksidentit lëndime trupore ka pësuar biçiklisti i cili është dërguar për tretman mjekësor. Me rastin po merret njësiti i trafikut”, ka thënë ajo.

Ndryshe pak minuta më parë arbresh.info ka raportuar edhe për një aksident tjetër trafiku në fshatin Penuhë të Podujevës.

Në këtë aksident të lënduar kanë mbetur katër persona./Arbresh.info/

Lexo edhe: Aksident në Podujevë, katër të lënduar

Shpërndaje në rrjete sociale

Lajmet më të lexuara

Të ngjashme

Foto lajm