Google ADS

Mesazhi i veçantë nga tifozi kosovar në Angli para ndeshjes së shumëpritur

19:14 | 10 Shtator 2019
Arbresh Info

Kanë mbetur më pak se dy orë deri në fillimin e ndeshjes së shumëpritur mes Anglisë dhe Kosovës.

Dy kombëtaret do të përballen për herë të parë mes tyre në stadiumin St. Mary’s të Southamptonit në kuadër të kualifikimeve për Kampionatin Evropian 2020, shkruan portali arbresh.info.

Qindra tifozë do të jenë të pranishëm në stadiumin e lartpërmendur dhe tashmë janë publikuar disa pamje të tyre para fillimisht të ndeshjes.

Por, ajo që bie në sy është mesazhi i një tifozi kosovar me anë të një pankarte.

“Falë juve ne mund të luajmë tani kundër jush. Përgjithmonë mirënjohës ndaj jush, Anglia jonë e dashur”, shkruhet në banerin e mbajtur nga një tifoz kosovar që kishte të vendosur gjithashtu një shall të Kosovës dhe një të Anglisë në qafën e tij.

Ndeshja e shumëpritur mes dy skuadrave fillon në ora 20:45 dhe portali arbresh.info do t’iu mbajë të informuar në kohë reale për çdo zhvillim./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm