Google ADS

KMDLNJ: Mos u lëshoni në gjuhë denigruese, shpalosni programet

13:12 | 7 Shtator 2019
A Z

Ndonëse fushata zgjedhore akoma nuk ka filluar liderët politikë janë lëshuar në deklarata fyese, në thumbime e në akuza kundrejt njëri-tjetrit. Sipas shoqërisë civile, një fjalor i tillë mund të nxisë përplasje në elektorat.

 Kryetari i Këshillit për Mbrojtjen e të Drejtave dhe Lirive të Njeriut (KMDLNJ), Behxhet Shala, në një prononcim për gazetën “Zëri” ka thënë se liderët politikë në vend se të shpalosin programet e tyre po hulumtojnë biografinë e njëri-tjetrit. “Ne i kemi ftuar partitë politike që të përmbahen nga gjuha denigruese dhe në vend të kësaj gjuhe të ofrojnë programe zhvillimore. Ajo që po bëjnë është denigruese, përpjekje për të hetuar biografinë e të tjerëve dhe familjarët e tyre, që nuk është e rëndësishme, pasi gjatë fushatës duhet të fokusohen në programet e tyre”, ka thënë ai.

Ai përmes gazetës i ka ftuar edhe një herë partitë politike që të distancohen nga gjuha denigruese. “Çdo parti politike duhet t’i mbledhë anëtarët e vet, t’ua tërheqë vërejtjen dhe të marrin përgjegjësinë për mbarëvajtjen e fushatës. Të mos lëshohen në lojëra të nivelit më të ulët. I ftoj liderët të bëjnë një fushatë që ofron perspektivë dhe mundësi të reja për qytetarët e Kosovës”, ka thënë ai.

Shpërndaje në rrjete sociale

Lajmet më të lexuara

Të ngjashme

Foto lajm