Ndryshe nga ajo që vlerësojnë bastet, Bernard Challandes ka vlerësuar si favorite rivalin e nesër në Fadil Vokrri.

Kosova do të përballet në kuadër të kualifikimeve për Kampionatin Evropian me kombëtaren e Republikës Çeke, shkruan portali arbresh.info.

Challandes në konferencën për shtyp pasditen e sotme (e premte) ka vlerësuar lartë mysafirët duke cekur përparësitë e tyre po ashtu.

Lexo edhe: Challandes tregon si Kosova do të përballet me mungesën e lojtarëve kryesor

I pyetur rreth dallimit me rivalët e mëparshëm të Kosovës, Challandes tha:

“Skuadra e Republikës së Çekisë është më e mirë se dy skuadrat tjera (Mali i Zi dhe Bullgaria).Është njëra nga skuadrat më të mira në Evropë sepse ata kanë gjetur një përzierje të mirë mes eksperiencës dhe lojtarëve të rinjve shumë të mirë”

“Ne kemi parë lojtarë shumë të mirë që kanë luajtur në Ligë të Kampionëve për shembull lojtarë që luajnë me Republikën Çeke që janë në Slavia Prague që luan në Ligë të Kampionëve tani. Kjo do të thotë se ata janë një skuadër shumë e fuqishme, një skuadër aspak e lehtë, aspak e përshtatshme sepse kanë përzierje të mirë teknike dhe të fuqishëm, kanë lojtarë shumë të gjatë, katër ose pesë lojtarë mbi 1 metër e 90 cm dhe ndoshta ky është një problem për ne dhe duhet të gjejmë zgjedhje të mirë”

Lexo edhe: Trajneri i Kosovës, Challandes: Duhet të jemi të çmendur kundër Çekisë

“Republika Çeke është favorite. Ne kemi një shans për të luajtur një ndeshje shumë të mirë, ne nuk mund të luajmë një ndeshje normale ndaj tyre nuk është e lehtë dhe nuk është e mjaftueshme ne duhet të japim më shumë, duhet të luajmë një ndeshje të jashtëzakonshëm dhe jo me limite” shton Challandes.

Kosova luan nesër në stadiumin “Fadil Vokrri” kundër Çekisë duke filluar nga ora 15:00 dhe portali Arbresh.info do t’iu njoftoj në kohë reale për çdo zhvillim./arbresh.info/