Google ADS

Bayerni tenton nënshkrimin me Leroy Sane edhe në janar

10:13 | 5 Shtator 2019
Arbresh Info

Bayern Munichu tashmë është i gatshëm për të bërë një ofertë të re për talentin Leroy Sane në merkaton e transferimeve në janar pavarësisht lëndimit serioz të pësuar në gju.

Por, Manchester City është ende i vendosur për të bindur anësorin gjerman për të nënshkruar një kontratë të re në stadiumin Etihad, transmeton portali arbresh.info.

Sane është përfolur për transferim prej 135 milionë funta te kampioni në Bundesliga para se të pësonte një lëndim në një ndeshje në Community Shield muajin e kaluar.

23-vjeçari mund të luaj sërish këtë sezon pas një operacioni të suksesshëm në këmbë.

Ai ka udhëtuar në Austri për të kryer operimin te profesori Christian Fink pas rekomandimit nga bashkëlojtarët nga skuadra kombëtare e Gjermanisë.

Sane pësoi lëndim gjatë minutave të parë në Community Shield kundër Liverpoolit në Wembley më 4 gusht./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm