Problemi me ujin e kontaminuar në Drin, po shqetëson shumë banorët e zonës. Madje, ky ujë po dyshohet se ka mbytur mbi 12 tonë peshq dhe lopën e një banori. Ata kërkojnë masa urgjente nga institucionet.
Kontaminimi i ujit në lumin Drin të Prizrenit përveç që mbyti 12 ton peshq, shkaktoi edhe ngordhjen e një lope dhe infektimit të një lope tjetër.
Bashkim Krasniqi, kryetar i Federatës së Peshkatarëve të Kosovës fajëson bizneset private për hedhjen e mbeturinave dhe inspektoratin komunal për mos seriozitet.
“Nga hedhjet e kemikaleve të ndryshme nga bizneset private ka ndodhur ngordhja e peshqve. Këto biznese janë të pakontrolluara nga Inspektorati në Komunën e Prizrenit. Bizneset private janë shumë të fuqishme dhe për atë nuk kemi më besim në një institucion si Kuvendi Komunal apo Inspektoriati, por kemi kërkuar takim me gjithë inspektorët nga Ministria e Bujqësisë apo Mjedisit dhe ky i Prizrenit. Në atë takim unë do të paraqes argumentet se cilat janë ato biznese [që po ndotin ujin]”, shprehet për RTV Dukagjinin, Bashkim Krasniqi.
Kurse banori i fshatit Dobrush, Adi Saramati përmes një përgjigje ka thënë se atij i ka ngordh një lopë, ndërsa një tjetër e ka të infektuar, transmeton Telegrafi.
“Të dielën pasdite dy lopët kanë pi ujë në lumin e Drinit, uji ka qenë i helmuar e unë nuk e kam ditur. Njëra ka ngordhur të dielën e tjetra është në gjendje jo të mirë. Inspektorati komunal ka ardhur sot – ia ka bërë disa analiza lopës por edhe kjo është në rrezik”, thotë banori Adi Saramati.
RTV Dukagjini lidhur me këtë çështje ka dërguar pyetje në Ministrinë e Mjedisit dhe Planifikimit Hapësinor si dhe në Inspektoriatin Komunal në Prizren mirëpo ata nuk kanë kthyer përgjigje.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite