Gjuriq: Serbia do të bëjë gjithçka për të sqaruar fatin e të zhdukurve pavarësisht kombësisë

09:04 | 30 Gusht 2019
M. A.

Populli serb shënon Ditën Ndërkombëtare të Personave të Zhdukur me trishtimin më të madh, sepse deri më sot nuk dihet fati i pothuajse 4 mijë bashkatdhetarëve tanë të humbur në vorbullat e luftërave në ish-Jugosllavi, tha drejtori i të ashtuquajturës Zyre Serbe  për Kosovë, Marko Gjuriq.

“Unë tërheq vëmendjen e publikut ndërkombëtar dhe vendas që, pas konfliktit në Kosovë, fati i 1,653 personave, serbë dhe shqiptarë, si dhe pjesëtarëve të kombeve të tjera, nuk është zgjidhur. Përcaktimi i së vërtetës së asaj që u ndodhi atyre është një detyrim i gjithë shoqërisë – serbe dhe shqiptare – sepse pa këtë, faqet e historisë tragjike, të shënuara nga armiqësia, vuajtjet nuk do të mund të mbyllen”, tha ai.

Serbia, theksoi ai, do të vazhdojë të bëjë gjithçka pa hezituar të hedhë dritë mbi fatin e të zhdukurve, pavarësisht kombësisë, dhe t’i lejojë familjet e tyre të vajtojnë të dashurit e tyre në një mënyrë dinjitoze.

Shpërndaje në rrjete sociale

Lajmet më të lexuara

Të ngjashme

Foto lajm