Kancelarja gjermane Angela Merkel ka bërë thirrje për një zgjidhje dy-shtetërore të konfliktit Izrael-Palestinë, edhe nëse ky qëllim është jashtëzakonisht i vështirë për t’u arritur.
Duke folur së bashku me Presidentin Palestinez Mahmoud Abbas në Berlin, Merkel tha se Palestinezët dhe Izraelitët duhet të jenë në gjendje të jetojnë krah për krah në paqe dhe siguri, transmeton portali arbresh.info.
Gjermania, si dhuruesi më i madh ndërkombëtar dypalësh për territoret palestineze, do të vazhdojë të mbështesë zhvillimin ekonomik dhe forcimin e shoqërisë civile, tha Merkel.
Abbas tha se palestinezët janë të gatshëm të negociojnë një zgjidhje dy-shtetërore brenda kufijve të 1967, por ai kritikoi Presidentin amerikan Donald Trump për marrjen e anës së Izraelit për çështje të tilla si statusi i Jerusalemit, refugjatëve, kufijve dhe vendbanimeve.
Palestinezët kanë ndërprerë marrëdhëniet me Shtetet e Bashkuara dhe nuk e shohin më Uashingtonin si një arbitër neutral.
Gjermania, nga ana tjetër, ka ndërmarrë përpjekje për të mbështetur një qasje shumëpalëshe në vend të imponimit të njëanshëm, tha Abbas.
“Prandaj ne kërkojmë që negociatat të bien nën një ombrellë ndërkombëtare” të përbërë nga një kuartet e shteteve evropiane dhe shteteve arabe për të udhëhequr bisedimet midis izraelitëve dhe palestinezëve, tha Abbas./arbresh.info/
Osmani në Akademinë e famshme ushtarake amerikane West Point...
Kryeziu: Qeveria po punon për zhbllokimin e CEFTA-s
Kurti e akuzon Perëndimin se po e “përkëdhel” Serbinë
Tiranë: Gruaja tenton të rrëmbejë 2-vjeçaren, arrestohet
Trepça fiton derbin lokal, Prishtina e Re ‘shkatërron’ Vjosë...
Izraeli nis hetimet pasi ushtarët e tij u filmuan duke hedhu...