Diellor Beseni do ta vazhdojë karrierën në futbollin bullgar. Talenti kosovar i është bashkuar ekipit Lokomotiv Plovdiv. Ai synon të jetë i suksesshëm në klubin e ri
Diellor Beseni pritet ta vazhdojë karrierën në futbollin bullgar, shkruan Gazeta Express.
Talenti kosovar i është bashkuar ekipit Lokomotiv Plovdiv, me të cilin ka nisur të stërvitë.
17 vjeçari do të mundohet të zë vend në ekipin e parë të skuadrës bardhezi, ndërsa i është rekomanduar trajnerit Bruno Akrapovic nga disa miq të tij në Kroaci.
Beseni, i cili kishte luajtur te Liria e Prizrenit, gjatë verës ishte provuar tek Lokomotiva e Zagrebit.
Prej aty, ai iu bashkua Lokomotivës tjetër, asaj bullgare, ku ka shfaqur talent të madh dhe pritet të mbetet në këtë ekip.
Beseni luan në pozitën e mesfushorit ofanziv, ndërsa ka shkëlqyer në ndeshjet e fundit me Lirinë sezonin e kaluar, ku kishte realizuar 2 gola në 3 ndeshje në fund të edicionit, kur prizrenasit ranë nga liga.
Ai pati oferta edhe nga Prishtina, Shkëndija, Kukës, por edhe nga skuadra të tjera.
Pasi t’i mbushë 18 vjet, Diellori do të nënshkruajë kontratë me Lokomotivën.
Sipas menaxherit të tij, shkaku i trajnerit kroat dhe emrit të Lokomotivës, prizrenasi ka vendosur për këtë skuadër.
Horoskopi, zbuloni çfarë parashikojnë yjet për ju
Pakistan, protesta të dhunshme pas vdekjes së liderit të Hez...
Moti në Shqipëri me diell, temperaturat do të jenë në rritje
Dy yjet e Man Utd kanë vendosur përfundimisht që të largohen...
SBASHK sot dorëzon nënshkrimet për projektligjin për skema p...
Kuvendi Komunal i Prishtinës sot mban mbledhje të jashtëzako...