“Messi japonez” afër largimit të përkohshëm nga Real Madridi

13:06 | 22 Gusht 2019
Arbresh Info

Takefusa Kupo ka arritur në Palma de Mallorca mëngjesin e sotëm (e enjte) për të finalizuar detajet e transferimit në formë huazimi te Real Mallorca.

Real Madridi ka pasur një numër të madh ofertash për të në tavolinë, por vendimi final i ka takuar Kubos, transmeton portali arbresh.info.

Ylli japonez iu bashkua Real Madridit këtë verë por pavarësisht shkëlqimit gjatë ndeshjeve parasezonale, Zidane nuk beson se ai tashmë është i gatshëm për një pozitë te skuadra e parë.

Kjo e ka lënë Kubon me mundësinë për të luajtur nën udhëheqjen e Raul Gonzalez te skuadra Castilla ose për të kërkuar për minuta të rregullt në një nivel më të lartë diku tjetër.

Kubo zgjodhi për transferim te Mallorca sepse beson se do të luaj më shpesh aty sesa te skuadrat e tjera të interesuara./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm