Autoritetet e Gjibraltarit e kanë refuzuar kërkesën e Shteteve të Bashkuara të Amerikës për sekuestrimin e anijes iraniane “Grace 1”, duke thënë se një gjë e tillë është e pamundur pasi që anija i ka respektuar ligjet e Bashkimit Evropian.
Një gjykatë federale në Uashington e lëshoi të premten një urdhër për sekuestrimin e anijes me naftë, e cila është duke transportuar karburante në vlerë prej 1 milion dollarësh.
Marina Mbretërore Britanike e kishte ndaluar këtë anije në Ngushticën e Gjibraltarit për shkak të dyshimeve se po transportonte naftë drejt Sirisë në kundërshtim me sanksionet e BE-së ndaj këtij shteti.
“Pamundësia e Autoritetit Qendror për ta kërkuar zbatimin e këtij urdhri është rezultat i funksionimit të ligjeve të Bashkimit Evropian dhe dallimet që ekzistojnë mes sanksioneve kundër Iranit në BE dhe Shtetet e Bashkuara”, thuhet në deklaratën e qeverisë së Gjibraltarit.
“Sanksionet e Bashkimit Evropian kundër Iranit, të cilat janë të zbatueshme në Gjibraltar, janë shumë më të ngushta se sanksionet që zbatohen në Shtetet e Bashkuara”, thuhet më tej në këtë deklaratë, shkruan “Reuters”.
Moti sot me diell dhe pjesërisht i vranët
Turki Alalshikh ka gjetur kundërshtarin e radhës për Daniel ...
Kriza në Lindjen e Mesme, Blinken: Izraeli ka të drejtë të m...
Rama në OKB: Kosova, realitet i pakthyeshëm ndërkombëtar
Kurti u takua me kryeministrin e Kroacisë, diskutuan për rap...
Ushtria izraelite urdhëron banorët në disa zona të Bejrutit ...