Liverpooli ka fituar trofeun e UEFA Superkupës në Stamboll duke mposhtur me anë të penaltive rivalin anglez Chelsea.
Kampioni në fuqi i Evropës ka siguruar fitore me rezultat 7 me 6 pas barazimit 2 me 2 pas vazhdimeve në ndeshjen e zhvilluar mbrëmjen e sotme (e mërkurë) në stadiumin “Vodafone Park”, shkruan portali arbresh.info.
“Blutë” zhbllokuan shifrat duke shënuar bukur me anë të sulmuesit francez Oliver Giroud në minutën e 36′, por Liverpooli u përgjigj menjëherë duke barazuar gjithçka qysh në fillim të pjesës së dytë.
Me inkuadrimin e Roberto Firminos, i cili krijoi asistim menjëherë, Sadio Mane gjeti rrjetën duke shënuar për 1 me 1.
Pedro Rodrigues dhe Van Dijk goditën shtyllat gjatë këtij fraksioni, por koha e rregullt e ndeshjes u mbyllë me rezultat të barabartë 1 me 1 duke bërë që finalja e UEFA Superkupës të shkojë në vazhdime.
Ishte sërish Firmino që krijoi një asistim të bukur te Mane duke përmbysur rezultatin për 2 me 1 në minutën e 96′ para se gjiganti londinez të fitonte goditje nga pika e bardhë.
Jorginho u tregua i saktë duke barazuar gjithçka për 2 me 2.
Pjesa e dytë e vazhdimeve nuk solli gola dhe kështu ndeshje u vendos me anë të penaltive.
Xherdan Shaqiri ishte në dispozicion nga bankina, por Jurgen Klopp zgjodhi për të mos shfrytëzuar futbollistin kosovar./arbresh.info/
Gërvalla: BE-ja duhet të trajtojë sa më parë dhe me seriozit...
Vazhdojnë sulmet ajrore dhe kërcënimet Izrael-Hezbollah
City merr një lajm të tmerrshëm nga mesfushori Rodri
Protesta në Preshevë, Sinani: Betejat tona si shqiptarë do t...
Hasani në Nju-Jork: Të angazhuar për përgatitjen e kompanive...
Dy rusë dhe një amerikane kthehen nga Stacioni Ndërkombëtar ...