Reprezentuesi i Philippe Coutinhos, Kia Joorabchian ka arritur në Paris për të diskutuar transferimin e mundshëm të futbollistit brazilian në PSG.
Emisarë nga Barcelona kanë shkuar po ashtu në Paris mëngjesin e sotëm (e martë) për t’i dhënë një shtytje finale negociatave me skuadrën franceze derisa vazhdojnë përpjekjet për rikthimin e Neymar në Camp Nou, transmeton portali arbresh.info.
Kërkesat ekonomike nga PSG janë shumë të larta dhe klubi i Barcelonës nuk mendon të bëjë shumë shpenzime për brazilianin.
Me këtë gjendje, Barcelona ka propozuar te PSG mundësinë për të shtuar një lojtar të skuadrës së tyre si pjesë e këtij operacioni në mënyrë për të zvogëluar kërkesat ekonomike te kampionit të Francës.
Dhe kështu është shfaqur Philippe Coutinho, një lojtar i shijes së trajnerit Tuchel por që nuk ka pasur sukses te Barça.
Bazuar në një raport nga Esporte Interativa, reprezentuesit e tij kanë shkuar në Paris për t’iu adresuar kësaj çështje.
Në rast se kjo rezulton siç raportohet, Barça do të bënte një hap të madh në përpjekjet e tyre për ri-nënshkrimin me Neymar./arbresh.info/
Igli Hasani mohon të ketë përplasje mes Edi Ramës dhe Albin ...
Izraeli nis sulme në jug të Libanit
Maqedonci nënshkruan marrëveshje: Turqia do t’i ofroj trajni...
FC Prishtina 01 gati për Main Round, synon suksesin e vitit ...
Arrestohen 13 persona pas një përleshje mes vete në Prishtin...
Policia kërkon ndihmë në kapjen e 34 vjeçarit, i dyshuar për...