Vuçiq: Bolton nuk vjen për vizitë në Serbi, në Kosovë nuk ka me kë të bisedojë

10:41 | 8 Gusht 2019
V. S.

Presidenti i Serbisë, Aleksandar Vuçiq ka mohuar raportimet se John Bolton do ta vizitojë Serbinë.

Presidenti i Serbisë, Aleksandar Vuçiq ka deklaruar sot se këshilltari i presidentit amerikan, John Bolton nuk do të udhëtojë për vizitë në Serbi, siç raportohej së fundmi në media.

“Bolton do të duhej të vinte për vizitë në Beograd dhe Prishtinë. Por, në Prishtinë ka zgjedhje andaj me kë do të bisedojë”, deklaroi Vuçiq për “Tv Prva”, transmeton lajmi.net.

Ai theksoi se e gjithë administrata amerikane është në favor të heqjes së taksës ndaj mallrave serbe në Kosovë

Por, marrë parasysh zgjedhjet e ardhshme në Kosovë, Bolton nuk do të ketë me kë të bisedojë.

“Me zgjedhje shtyhet edhe dialogu, garojnë me çështjen e taksës dhe me pyetje të kota siç janë dokumentet. Ne kemi biseduar për atë që për hyrjen në Kosovë mund të përdoret letërnjoftimi, por edhe pasaporta mund të shërbejë si letërnjoftim”, u shpreh Vuçiq. /Lajmi.net/

Shpërndaje në rrjete sociale

Lajmet më të lexuara

Të ngjashme

Foto lajm