Policia: Nipin e deputetit e shoqëruam në komisariat, më pas…

00:47 | 4 Gusht 2019
Trina Galanxhi

Policia e Tiranës ka konfirmuar se personi që dhunoi një femër në oborrin e spitalit “Nënë Tereza”, është 26-vjeçari Ramazan Rraja, nipi i deputetit socialist Rrahman Rraja.

Sipas policisë e gjithë ngjarja ka ndodhur në 31 korrik, rreth orës 07:30 minuta. Policia thotë se nipi i deputetit është shoqëruar në Komisariat dhe e kanë proceduar penalisht.

“Materialet në ngarkim të këtij shtetasi janë referuar në Prokurori për veprime të mëtejshme”, thekson policia.

Ndërkohë efektivja e policisë, që duket në video është pezulluar nga detyra dhe Drejtoria e Standardeve Profesionale në Policinë e Shtetit ka nisur verifikimet për veprimet apo mos veprimet e saj./ Opinion

Shpërndaje në rrjete sociale

Lajmet më të lexuara

Të ngjashme

Foto lajm