Google ADS

Arsenali tenton transferimin e Coutinhos në formë huazimi

23:51 | 2 Gusht 2019
Arbresh Info

Arsenali thuhet se po tenton ta transferojë Philippe Coutinhon nga Barcelona në këtë afat kalimtar veror në formë huazimi.

Zyrtarët e klubit do të takohen në Joan Gamper këtë të shtunë dhe Raul Sanllehi besohet se ka raporte të mira me ata të Barcelonës.

Sipas asaj që raporton e përditshmja spanjolle Sport, Barcelona dëshiron ta shesë Coutinhon, madje thuhet se janë të gatshëm edhe që ta lejojnë largimin në formë huazimi.

Gunners e transferuan Nicolas Pepen nga Lille për shumën rekorde 80 milionë euro, por dëshirojnë ta blindojnë edhe krahun e djathtë.

Skuadra londineze po tenton që ta huazojë anësorin brazilian në këtë afat, derisa pritet t’i paguajë rreth 15 milionë euro për huazimin e tij.

Topçinjtë mund të tentojnë që ta marrin kartonin e tij të plotë në verën e 2020, por vetëm nëse arrijnë në këtë afat ta huazojnë atë nga kampioni i La Liga-së.

Shpërndaje në rrjete sociale

Lajmet më të lexuara

Të ngjashme

Foto lajm