Këngëtarja kosovare me famë botërore, Dua Lipa është shprehu krenare që po mund të kontribuoj për  vendin e saj.

Gjatë ceremonisë së nënshkrimit të kontratës për dhurimin e 150 mijë euro të mbledhura nga organizimi i festivalit ‘Sunny Hill’ vitin e kaluar për ndërtimin e ‘Sunny Hill Academy’ ka thënë se Kosova ka shumë talent që duhet mbështetur.

Dua ka shtuar se krijimi i kësaj akademie ka qenë ëndërr e saj dhe babit të saj, shkruan arbresh.info

“Falënderimit shumë që keni ardhë sot dhe për mbështetjen që na e keni dhënë vazhdimisht që ne të bëjmë festivalin këtu e të ndihmojmë  përmes fondacionit. Kjo ka qenë një ëndërr e madhe që fëmijët dhe rinia të vinë sepse e dimë sa ka talent në Kosovë në përgjithësi dhe me mujt me pas një bazë të tyre ku munden me e shpreh talentin. Ajo ka qenë ëndërr e jonë shumë e madhe dhe sot po e shohim se po bëhet realitet”, ka thënë ajo.

Ajo ka shtuar se ky vend do të mbledh të rinjtë kosovarë t talentuar.

“Shumë po ndihem shumë krenare që po mundem me e bo dhe këtë nënshkrim. Ky është një projekt i punuar me shumë pasion. Ne kemi ëndërruar shume dhe ju falënderojmë për të gjithë sportin sepse pa atë nuk do të realizohej”, ka shtuar ajo.

Ndryshe gjatë kësaj ceremonie organizatori i Sunny Hill Festival i cili është edhe babi i Duas, Dukagjin Lipa ka thënë se kjo qendër do të jetë vendi ku do bashkoj të rinjtë kosovarë të talentuar.

“Qëllimi jonë ka qenë që të kemi një hapësirë që do të jetë në shërbim të të rinjve kosovarë, shqiptar në mënyrë që ta kthejmë atë frymën artistike që fëmijët e Prishtinës dhe Kosovës e kërkojnë dhe dëshirojnë ashtu siç e kemi pas ne. Sunny Hill Festival prej viti të kaluar i kemi nda 150 mijë euro që do të jepen për krijimin e këtyre hapësirave të reja”, ka thënë ai.

Sunny Hill Festival do të filloj sonte dhe do të zgjas deri më 4 gusht.

Në edicionin e sivjetmë do të merr pjesë edhe aktorja e shndërruar në këngëtare të muzikës pop, Miley Cyrus. Veç saj pjesë e koncertit do të jenë edhe shumë këngëtar e digjej me famë botërore./Arbresh.info/