Një njeri i cili i kishte shuar shpresat se do të arrinte të krijonte familje një ditë, është befasuar nga bashkëshortja e tij kur ajo i bëri me dije se është në muajin e pestë të shtatzënisë pas 17 vjet martese.

Dana Griffin-Graves dhe bashkëshorti i saj Arkel Graves janë përpjekur për 17 vjet radhazi që të bëhen me fëmijë qysh kur u martuan. Por pas katër dështimeve dhe një fëmije të vdekur ende pa lindur, transmeton arbresh.info, çifti kishte hequr dorë nga ideja se do të krijonin familje.

Me kalimin e viteve dhimbja e tyre ishte pakësuar ndërkohë që kohëve të fundit Dana kishte filluar të dilte për vrapim me shoqërinë e saj dhe për çudi të gjithë të tjerët kishin filluar të humbnin peshë ndërsa ajo shtonte edhe më shumë.

Siç ka rrëfyer ajo, kur është vizituar te mjeku, ai ka konstatuar se ajo është në pritje të një fëmije dhe se është në muajin e pestë të shtatzënisë.

Lajmin bashkëshortit ajo kishte planifikuar që t’ia jepte në një mënyrë interesante. Kishte vendosur fotografitë nga ekoja e fëmijës në furrën për pjekje duke i shkruar se këto janë fotot e foshnjës tonë të parë dhe kur bashkëshorti i saj po përgatiste ushqimin e ka hapur furrën dhe i ka parë ato duke shpërthyer në vaj./arbresh.info.

https://www.youtube.com/watch?v=cZDwLgyOW6M