Legjenda e Fenerbahces: Vedat Muriqi, përforcimi më i mirë në vitet e fundit

16:24 | 1 Gusht 2019
Arbresh Info

Vedat Muriqi ka tërhequr vëmendjen e të gjithëve qysh me paraqitjet e tij në ndeshjet parasezonale.

Reprezentuesi i Kosovës finalizoi transferimin te Fenerbahce gjatë kësaj merkato të transferimeve dhe tashmë kanë filluar të thuren lëvdata për, shkruan portali arbresh.info.

Ish futbollisti turk Ridvan Dilmen ka thënë se transferimi i Vedat Muriqit  te Fenerbahce ishte një lëvizje shumë e duhur.

“Gjatë viteve, para të mëdha janë shpenzuar në transferimin e sulmuesve. Por, në moshë të re dhe me një përkushtim të jashtëzakonshëm, Vedat Muriqi është transferimi më i mirë në vitet e fundit”, ka thënë Dilme, i cili ka bërë mbi 108 paraqitje te Fenerbahce.

“Megjithatë, Ersun Yanal duhet të krijojë një sistem të lojës përreth tij, ku do ta ndihmonte edhe Max Kruse”

Muriqi ka gjetur portën tri herë gjatë pjesë ndeshjeve parasezonale duke krijuar gjithashtu edhe një super asistim në disfatën 3 me 5 ndaj Real Madridit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm