Google ADS

Aksidentohet automjeti i policisë në Drenas, dy policë mbesin të lënduar

14:18 | 1 Gusht 2019
Arbresh Info

Dy zyrtarë policorë  janë aksidentuar dje në Orllat të Drenasit, deri sa po udhëtonin me veturën  zyrtare të Policisë së Kosovës. 

Si pasoj e këtij aksidenti, dy zyrtarët policorë kanë marrë lëndime trupore dhe janë dërguar për tretman mjekësor, raporton arbresh.info.

Në një fotografi të siguruar nga portali Arbresh.info shihet vetura e policisë, e cila ka dalë nga rruga.

Arbresh.info ka kontaktuar  zyrën për media të Policisë së Kosovës për të mësuar më shumë rreth këtij rasti, megjithatë  nuk ka marrë asnjë përgjigje.

Ndërkohë, ky rast është dërguar edhe në raportin 24 orësh të Policisë së Kosovës, mirëpo nuk është specifikuar se personat në fjalë janë zyrtarë policorë.

“Drenas 31.07.2019 – 06:10. Dy meshkuj K/Shqiptar kanë pësuar lëndime trupore pasi vetura me të cilën po udhëtonin ka dalë nga rruga. Të lënduarit janë dërguar për tretman mjekësor dhe sipas mjekëve lëndime i kanë të lehta.”, thuhet në komunikatë/arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm