Google ADS

Konfirmohet transferimi i Nicolas Pepes te Arsenali

19:54 | 31 Korrik 2019
Arbresh Info

Presidenti i Lilles, Gerard Lopez ka konfirmuar transferimin e Nicolas Pepes te Arsenali për një tarifë prej 80 milionë euro.

Arsenali pritet të njoftoj për arritjen e Pepes brenda orëve të ardhshme dhe sulmuesi 24-vjeçar raportohet se do të nënshkruaj një kontratë pesë vjeçare me gjigantin në Emirates, transmeton portali arbresh.info.

“Ai është personi që ka marrë vendimin, mendoj se do duhet të bëhet [zyrtare] brenda 24 orëve të ardhshme”, ka thënë Lopez për gazetën franceze RMC Sport.

“Është 80 milionë euro. Nëse do e kishim shtyrë edhe më gjatë këtë marrëveshje, ne mund të kishim pasur pesë ose gjashtë oferta të së njëjtës madhësi”

“Gjatë bisedimeve me Nicon dhe agjentët e tij, situata ishte e fokusuar në disa klube dhe ne dëshironim të fiksohemi në dy projekte që i interesuan lojtarit”

Pepe do të jetë përforcimi i katërt te Arsenali këtë verë pas arritjes së Gabriel Martinellit, Dani Ceballosit (në huazim) dhe William Salibas./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm