Google ADS

Pastori-Politikan, nga kurorëzimi i Veliajt te Parlamenti i Tiranës

15:15 | 31 Korrik 2019
A. B.

Toni Gogu që u zgjodh dje Kryetar i Këshillit Bashkiak ose ndryshe “Parlamenti i Tiranës”, është pikërisht pastori i Dëshmitarëve të Jehovait, që kurorëzoi në martesë çiftin Veliaj-Xoxa në kalanë e Gjirokastrës në shtator 2014.

Emri i tij nuk është fort i njohur në publik edhe pse prej disa muajsh mbante detyrën e zv/ministrit të Drejtësisë.

Por nga dje pastori i Veliajt është dhe kryetar i Këshillit Bashkiak. Ai u propozua nga kryetari i këshilltarëve socialist, Eridian Salianji, i cili vlerësoi formimin e Toni Gogut si një jurist, besimtar dhe familjar shumë i mirë.

Sigurisht që Gogu ishte një fitues i paracaktuar pasi nga 61 anëtarë që ka këshilli, 58 janë të Partisë Socialiste. Ndërsa në detyrën e nenkryetarëve u zgjodhën Vjollca Braho dhe Luan Bregasi.

Kësisoj Erion Veliaj tashmë gëzon drejtimin e plotë jo vetëm të bashkisë por edhe të këshillit. Si i thotë populli “vetë firmos vetë vulos!”, kjo edhe pse Rama u kërkoi keshilltarëve të mbrojnë interesin publik.

Shpërndaje në rrjete sociale

Lajmet më të lexuara

Të ngjashme

Foto lajm