Një person me një fshikëz tepër aktive e njeh ndjenjën e panikut apo nevojës urgjente për të shkuar në tualet.

Ndonjëherë kjo thirrje është aq e madhe sa një person ka një humbje të pavullnetshme të urinës.

Herë të tjera, një fshikëz e mbushur është pengesë për gjumin e një personi ose jetën e përditshme.

Sipas Fondacionit Zyrtar të Shoqatës Urologjike Amerikane, afro 33 milionë amerikanë vuajnë nga fshikëza tepër aktive.

Klinika Mayo, njeh stresin psikologjik që mund të vijë nga një fshikëz tepër aktive. Ju mund të ndjeheni të zënë ngushtë dhe zgjidhni të izoloni veten. Ne jemi këtu për t’ju thënë që nuk ka nevojë të turpëroheni.

Ka një numër të madh mënyrash që mund të bëni në shtëpi për të shpëtuar nga ky problem i përditshëm:

Bukë thekre: Zorrët e “lumtura” të çojnë në një fshikëz “të lumtur”. Përmirësoni funksionin tuaj të zorrëve duke konsumuar rregullisht ushqime të larta me fibra, si gruri dhe buka e thekrës. Healthline gjithashtu rekomandon fruta të freskëta, drithëra dhe fasule, si ushqime të pasura me fibra.

Fara kungulli: Disa njerëz kanë përdorur fara kungulli për trajtimin e problemeve urinare, duke përfshirë fshikëzën tepër aktive. Funksionon sepse farat rrisin prodhimin e testosteronit dhe kështu forcojnë muskujt e legenit.

Banane: Ushqimet me magnez të lartë, si banane, misër dhe patate, mund të ndihmojnë në reduktimin e spazmave të muskujve, thotë Health.com. Magnezi është gjithashtu i rëndësishëm në inkurajimin e fshikëzës tuaj që të zbrazet plotësisht dhe kështu të parandalon urinimin e shpeshtë.

Qumështi: Vitamina D, e cila gjendet në qumësht, peshk dhe vezë, zvogëlon rrezikun e mosmbajtjes (rrjedhjes). Kjo është veçanërisht e vërtetë për gratë, raporton Health.com.

Arrat: Është një aminoacid që prodhon oksid nitrik, përbërës i cili është i rëndësishëm në mbajtjen e një trakti urinar të shëndetshëm.