MMPH investon 550 mijë euro për një Gjilan të gjelbër

15:37 | 23 Korrik 2019
M. A.

Ministri i Mjedisit dhe Planifikimit Hapësinor, Fatmir Matoshi dhe kryetari i Komunës së Gjilanit, Lutfi Haziri kanë nënshkruar sot  një memorandum bashkëpunimi në vlerë 550 mijë euro për financimin e projektit krijimi i zonave të gjelbërta në Gjilan, shkruan arbresh.info.

Ministri Matoshi bëri të ditur se ky projekt do të kushtoj 550 mijë euro.

“Në këtë frymë sot nënshkruam një memorandum bashkëpunimi për financimi e projektit krijimi i zonave të gjerbërta në Gjilan në vlerë 550 mijë euro nga të cilat në vitin 2019 do të investohen 300 mijë euro ndërsa 250 mijë në vitin 2020 euro”, tha ministri Matoshi..

E kryetari i Gjilanit, Lutfi Haziri tha se ky projekt do të prek 46 fshatrat e Gjilanit dhe 6 fshatra të tjerë.

“Ky projekt krijon mundësin që në hapësira që qarkullojë njerëzit të minimizohen qarkullimi i veturave”, tha Haziri.

Ky memorandum është në kuadër të politikave të komunës së Gjilanit në projektin për një Gjilan të gjelbër./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm