Google ADS

Rummenigge për transferimin e Sanes: Guardiola nuk e di çfarë po ndodhë te City

23:37 | 21 Korrik 2019
Arbresh Info

Presidenti i Bayern Munichut, Karl-Heinz Rummenigge, i është kundërpërgjigjur Pep Guardiolas në lidhje me transferimin e Leroy Sanes.

Trajneri spanjoll ka paralajmëruar skuadrën gjermane në lidhje me interesimin për anësorin edhe pse lojtari nuk e dëshiron qëndrimin më në Etihad Stadium.

Rummenigge ka thënë se Guardiola nuk e di se çfarë po ndodhë në klubin e tij dhe me largimet që do të ndodhin.

Leroy Sane (Foto: Harry Trump/Getty Images/Guliver)

“Nuk dua të hyj më shumë në detaje të asaj çfarë raportojnë mediat. Nëse ka diçka për të njoftuar, ne do ta bëjmë, por ajo gjë nuk është shumë larg”, ka thënë i pari i bavarezëve.

“Nuk e di nëse Pep ka njohuri për gjithçka që ndodhë në klubin e tij. Nuk ka ide. Të presim. Nuk dua të ngutemi në lidhje me transferimin e lojtarëve”, ka shtuar më tej Rummenigge.

Guardiola bëri me dije se Bayern Munich është duke tentuar ta transferojë Sanen, derisa do të jetë zgjidhja e tij nëse dëshiron të qëndrojë apo të largohet. /Telegrafi/

 

Shpërndaje në rrjete sociale

Lajmet më të lexuara

Të ngjashme

Foto lajm