Google ADS

Bonucci: De Ligt është mbrojtësi më i mirë i ri në botë

19:14 | 21 Korrik 2019
Arbresh Info

Leonardo Bonucci ka thënë se Matthijs de Ligt është aktualisht mbrojtësi më i mirë në botë, derisa është shprehur i lumtur që Juventusi e ka transferuar holandezin.

Mbrojtësi 19-vjeçar u transferua në këtë javë te Zonja e Vjetër nga Ajaxi, duke nënshkruar kontratë pesëvjeçare me torinezët.

Bonucci beson se De Ligt mund t’i arrijë nivelet më të larta me Juventusin, por edhe ndihet i lumtur që do ta ketë partner në mbrojtje.

Leonardo Bonucci (Foto: Tullio M. Puglia/Getty Images/Guliver)

“Matthijs de Ligt është mbrojtësi më i mirë i ri në botë tani”, ka thënë mbrojtësi italian për JTV kur u pyet për holandezin.

“Ky hap e ndihmon atë të rritet, dhe prej nesh ka pasur një mirëseardhje të ngrohtë. Së bashku me Merih Demiral dhe Daniele Rugani ata janë lojtarë të rinj të rëndësishëm që do të na ndihmojnë të arrijmë çdo qëllim”, ka shtuar më tej Bonucci.

Në garë për transferimin e De Ligt ishin edhe Barcelona, Manchester City, Manchester United dhe Paris Saint-Germain, mirëpo Juventusi e fitoi garën. /Telegrafi/

 

Shpërndaje në rrjete sociale

Lajmet më të lexuara

Të ngjashme

Foto lajm