Autoritetet e Iranit e kanë ndaluar dhe konfiskuar në Ngushticën e Hormuzit një anije të regjistruar në Britaninë e Madhe, duke i rritur edhe më tepër tensionet edhe ashtu të larta në Gjirin Persik.
Rojet Revolucionare të Iranit njoftuan se e kanë konfiskuar anijen “Stena Impero” me 23 anëtarë të ekuipazhit, duke thënë se ky mjet lundrimi i ka shkelur rregullat detare.
Një agjenci zyrtare e lajmeve në Iran njoftoi të shtunën në mëngjes se anija është dërguar në portin “Bandar Abbas” dhe se anëtarët e ekuipazhit janë duke qëndruar në anije. Sipas kësaj agjencie, kjo anije është përfshirë në një incident me një barkë peshkimi të Iranit para se të konfiskohej.
Sidoqoftë, pronarët e anijes së konfiskuar kanë thënë se ata janë rrethuar nga anije të vogla të paidentifikuara dhe nga një helikopter gjatë lundrimit nëpër Ngushticën e Hormuzit në kohën kur anija ndodhej në ujëra ndërkombëtare.
Kompania që e menaxhon këtë anije ka thënë se nuk kanë kontakte me anëtarët e ekuipazhit, por se ata i kanë respektuar të gjitha rregullat. Në deklaratën e tyre thuhet: “Anija Stena Impero ishte duke i respektuar plotësisht të gjitha rregullat ndërkombëtare”, shkruan “The Guardian”.
Një i moshuar vdes në një kafiteri në Obiliq, policia nis he...
Superliga vazhdon sot me dy superduele
Të kripura apo të ëmbla në mëngjes, çfarë këshillohet
Izraeli përshkallëzon sulmet kundër Hezbollahut
Lojtarët e Bayernit të acaruar me një vendim që ka marrë Kom...
Shënohet 25 vjetori i bashkëpunimit zhvillimor ndërmjet Koso...