Kryetari i Vetëvendosjes, Albin Kurti ka reaguar pas dorëheqjes nga posti i kryeministrit të Ramush Haradinajt.
Ai këtë dorëheqje e ka quajtur të vonuar, por me arsye të gabuar.
Më poshtë shkrimi i plotë:
Z.Haradinaj dha dorëheqje nga pozita e kryeministrit. Moti është dashur të japë dorëheqje. Psh. kur e ndërroi qëndrimin për demarkacionin me Malin e Zi, kur ia rriti pagën vetvetes, kur emëronte nëpër borde e menaxhmente ndërmarrjesh me mbiemra familjesh e librezë partie, kur me 13 dhjetor 2018 e dha propozimin për marrëveshje “Ahtisaari Plus” me Serbinë, kur e paloi e rrafshoi buxhetin me asfalt, kur e kërcënoi prokurorin Blakaj, kur delegacioni për bisedime me Serbinë i doli anti-kushtetues etj.etj.
Së fundi e pa që mocionin e mosbesimit të opozitës do ta votonin edhe disa prej deputetëve që e kishin mbështetur fillimisht. E kuptoi atë që ia kishim thënë dikur: kryeministrinë e ka pasur si biçikletë hua nga PDK-ja për të bërë ndonjë xhiro…
Ne ishim e jemi kundër Gjykatës Speciale. Kemi nevojë për gjykata normale kundër krimit e korrupsionit në paqe dhe jo për edhe një gjykatë speciale kundër kinse krimeve të luftës së UÇK-së. Ata që e votuan, e vunë veten e tyre dhe gjithë Kosovën nën shantazhin e interesave gjeopolitike jashtë kontrollit tonë.
Për drejtësi të vërtetë, zhvillim të qëndrueshëm, progres shoqëror, demokraci institucionale, menjëherë nevojiten zgjedhje të reja parlamentare.
Duhet të flasë populli, të cilin aq shumë e shtypën dhe e zhvatën.
Dy muaj pas zgjedhjeve, Franca shpall përbërjen e qeverisë s...
Ter Stegen do të mbetet jashtë fushave për një kohë të gjatë
Efi Dhedhes tejet elegante në paraqitjen e fundit në Instagr...
Rama dhe Erdogan takohen në New York
Osmani takon mërgatën shqiptare në SHBA: Forca shtytëse e sh...
As legjislatura e 8-të s`do të votojë amendamentet e Projekt...