Ambasadori i SHBA-ve në Kosovë, Philip Kosnett ka reaguar për vendimin e Këshillit Shtetëror të Cilësisë për mos akreditimin e Universiteteve të Pejës, Prizrenit, e Mitrovicës.
Përmes dy postumëve në Twitter, Kosnett ka thënë se vendimi i Agjencisë së Akreditimit ka qenë i vështirë por korrekt.
“Vendimi i Agjencisë së Akreditimit për mos akreditimin e disa Kolegjeve ishte i vështirë por korrekt. Është roli i tyre të marrin vendime objektive, të bazuara në standard që i sigurojnë studentëve të Kosovës kualitetin e edukimit që ata e meritojnë”, ka shkruajtur ai.
Ndërkaq në një postim tjetër, Kosnett ka kritikuar institcionet për ndikimin e politikës në Agjencinë e Akreditimit.
“Pse ky interferim politik në Agjencinë e Akreditimit? Universitetet ekzistojnë t’i edukojnë studentët për të mirën e tyre dhe jo për t’ju siguruar vende pune individëve të pakualifikuar që kanë lidhje. Vendit i duhet një sistem i arsimit i bazuar në merita dhe i drejtë për të gjithë.”, ka shkruar ambasadori Kosnett.
Reagimi i Kosnett i atribuohet më së shumti kryeministrit Haradinaj i cili para disa ditësh sulmoi ashpër anëtarët e Këshillit Shtetëror të Cilësisë.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...